شەفەق نیوز/ وەزارەت پەروەردە، ئمڕوو دوشەممە، بڕیاردا لە ئەنجام نەداین باوەت کۆمەڵایەتی ئەرا خوەنەوارەیل پۆل شەش سەرەتایی لە تاقیکردنەوەیل ساڵ خوەنستن ٢٠٢١-٢٠٢٢.
وەزارەتەگە لە بەیاننامەی کولیگ ک رەسیە ئاژانس شەفەق نیوز وت، " دەسەی تاقیکردنەوەی گشتی بڕیاردانە وە ئەنجام نەداین تاقیکردنەوەی باوەت کۆمەڵایەتی ئەرا خوەنەوارەیل پۆل شەش سەرەتایی ئەرا ساڵ خوەنستن ئمساڵ، و ئەو باوەتەیلە لە تاقیکردنەوە هەن بریتیە لە (پەروەردەی ئاین،زوان عەرەبی، زوان ئنگلیزی، بیرکاری، زانست)".
وەزارەتەگە لە گوزەشتە بڕیار داۊد وە ئەنجام نەداین دو باوەت( کۆمەڵایەتی و زوان فەرەنسی) لە تاقیکردنەوەی وەزاری پۆل سێ ناوەندی.
لەهەمان وەخت بڕیار دا وەگەردیەک هەردوگ باوەت (پەروەردەی ئایین و زوان عەرەبی) تاقیکردنەوەی بکەن تەنیا ئەرا پۆل سێ ناوەندی لە تاقیکردنەوەیل وەزاری ساڵ خوەنستن٢٠٢١-٢٠٢٢ نمرەی پەروەردی ئاین (٢٥٪) نمرە و زوان عەرەبی (٧٥٪)نمرە.