شەفەق نیوز ـ بەغدا

وەزارەت پەروەردە، ئمڕوو پەنجشەممە، بڕیار دا وە وەنواخسن دەسوەپێکردن دەوام فەرمی مەکتەوەیل ئەرا ساڵ خوەنیین 2026–2027، تا بوودە 1 تشرین یەکەم ئاینده، لە شوین ئەو وەختە کە وەرجە ئیەە دیاری کریا بوی، و دووپاتکرد  ئی بڕیارە دویای تەواوکردن ئامادەکاریەیلی ئەرا دەسوەپێکردن ساڵ نوو خوەنین و تەقەلادان مەکتەوەیل و هەوەجەیل پەروەردەیی و ئیداری پێویست ئەرا پێشوازیکردن لە خوەنەوارەیل دەرچگە.

وەزیر پەروەردە عبد الکریم عبطان الجبوری فەرمان دا وە وەڕێوەبەرایەتیەیل گشتی پەروەردە ئەرا گردنەەوەری رێکارەیل هەوەجەکریاگ ئەرا جیوەەجیکردن بڕیارەگە و ئامادەکردن مەکتەوەیل ئەرا پێشوازیکردن لە خوەنەوارەیل لە وادە نووەگە.

ئی بڕیارە دویای رێنمایییگ لە وەزیرەو تێد کە لە ناوڕاس ئی مانگ ئەیلوولە/سەپتەمبەرە دەرچگە، وە دویاخسن دەسوەپیکردن ساڵ خوەنین 2026–2027 ئەرا رووژ یەکشەممە 11 تشرین یەکەم/ئۆکتۆبەر ئاینده، لە شوێن 20 ئەیلوول/سەپتەمبەری ئی مانگە، ئەرا دانان دەرفەت وەخت تا رێکارەیل ئەمووزمانیەیل خول دویەم ئەرا پۆلەیل ناکۆتا کۆتایی وەپی تێد، و ئامادەکردن مەکتەوەیل ئەرا ساڵ نوو.