شەفەق نیوز ـ بەغدا / بەسرە

دوو سەرچەوەی ئەمنی لە بەغدا و بەسرە، ئمڕوو چوارشەممە، راگەیانن، گەنجیگ خوەی کوشت و دوو کەس کوشیان کە یەکیگیان پاسەوان ئەمنی بوی.

لە بەغدا، سەرچەوەیگ ئەمنی وە ئاژانس شەفەق نیوز وت: گەنجیگ لەداڵگبوی ساڵ 2004، لە وتاقیگ ناو ماڵیان  لە ناوچەی سەبع قەسور لە خوەرهەڵات پایتەخت، وە هەڵواسین خوەی وە  وایەری کارەبا کە وە پەنکەی قەواسە بەسریابوی ، خوەی کوشت، و دیاریکرد، لێکۆڵینەوە وازکریا ئەا زانینی هویردەکاریەیل رویداوەگە.

لە بەسرە، سەرچەوەیگ ئەمنی راگەیان، گەنجیگ لە تەمەنەیل سی ساڵان کە جویر پاسەوان ئەمنی لە ناوچەی ناوەین سەفوان و ئوم قەسر کارکرد، لە نزیک شوین کارەگەی، دویای ئەوەگ وە چەقوو دریالێ، گیان لەدەسدا.

وتیش؛ پۆلیس دوو هاوکارەگەی دەستگیرکرد وە مدوو گومانکردن لەلیان،  تەرمەگەی کلکریارە  پزیشک دادوەری ئەرا دەسنیشانکردن مدوو  مردنی، و لێکۆڵینەوە دەس وەپیکرد بۆ دەرخسن هویردەکاری رویداوەگە.

لە رووداویگ ترەگ لە بەسرە، کابرایگ لە ناوچەی هندیە (ماڵەیل زیایچگ) لە ئەنجام وەردەوەردەیگ دارایی کە پەیوەندی وە فروشتن ماتۆڕسکێل و دویاخسن پویلداینی وەلایەن قوربانییەگەو بویە، کوشیا.

فەرماندەیی پۆلیسی بەسرە راگەیان، توەنستنە چۆنیەتی رویداوەگە و ناسامەی تاوانبار ئاشکرابکەن، دەرکەفت پیشینەی تاوان داشتیە سزادریایە وە مدوو تاوان کوشتن دویایی کەفتیەسە وەر وەخشین گشتی و ئازادبویە.