شەفەق نيوز/ پارێزگایەیل دیالە و سەڵاحەدین و کەربەلا و نەجەف، ئمڕوو شەممە، زنجیرەیگ لە رویداوەیلیگ جیاجیا توومار کردن، لەناویان پلیان ماشین و ئاگر، کە بوینە مدوو زەخمداری و مردن، وەگەرد زەرەدەیل دارایی.

 لە دیالە، سەرچەوەیگ ئەمنی ئەرا ئاژانس شەفەق نیوز وت: ماشینیگ نزیک بەنزینخانەی خەلیفە لە قەزای خانەقین پلیا و ئاگر گرد، دیاری کرد کە تیمەیل رزگارکردن توەنستن رانندەگە لەناو ماشینەگە درارن وەرجە گوڵپەکردن ئاگرەگە، و ئەرا خەسەخانەی خانەقین بریا لەوەر زەخمداربوین سەختی.

 لە رویداویگ ترەک لە دیالە، ماشین مامووستایگ لە وەردەم بنکەی تاقیکردن لە مەکتەویگ لە ناحیەی ڤەرەتەپە باکوور خوەرهەڵات پارێزگاگە ئاگر گرد، و لێکۆڵینەوە لە رویداوەگە واز کریا.

 دویای ئەوە، وەڕیەوبەرایەتی راگەیانن پەروەردەی دیالە ئاشکرا کرد کە لێکۆڵینەوەیل فەرماندەیی پولیس دیالە ئەو چەسپانن کە ئاگرەگە قەزا و قەدەر بویە، و دەس کەسیگ لەناوی نەویە.

 لە پارێزگای سەڵاحەدین، سەرچەوەیگ ئەمنی ئەرا ئاژانس شەفەق نیوز وت: ماشینیگ بارهەڵگر شامی باری بویە، لەبان ری بەغداد - سامەڕا پلیا، و دوو کەس لەناوی زەخمدار بوین.

لە کەربەلا، سەرچەوەیگ ئەمنی خەوەردا لە رویداویگ هاتوچو لەبان ری ناودەوڵەتی نزیک پیەڵ شۆمەلی، لە ئەنجام پلیان ماشینیگ و کەفتنی وەناو جوو ئوملوەرد، وەگورەی خەوەر سەرچەوەیگ ئەمنی ئەرا ئاژانس شەفەق.

لە پارێزگای نەجەف، ئاگر گەورەیگ لەناو باخیگ لە ناحیەی قادسیە لە ئەنجام شۆرت کارەبایی هیز گرد، وەگورەەی خەوەر سەرچەوەیگ ئەمنی.