شەفەق نیوز- بەغداد / دیالە

سەرچەوەیگ ئەمنی، ئمڕوو یەکشەممە، خەوەر دا لە گیانلەدەسدان پیاویگ وەساڵاچگ وە مدوو ئاگریگ لە ناو ماڵەگەی لە بەغداد هیزگرد، لەهەمان وەخت  رویداو خوەیکوشتن گەنجیگ لە ناوچەی شەعب، و زەخمداربوین دوو کەس وە تەقەکردن لە ماوەی مەرافیگ چەکداری لە پارێزگای دیالە.

سەرچەوەگە ئەرا ئاژانس شەفەق نیوز وت، ئاگریگ لە ناو ماڵیگ لە ناوچەی قادسیە لە بەغداد هیزگردیە، بویە مدوو گیانلەدەسدان پیایگ وەساڵاچگ، و دیاری کرد  زانیارییە سەرەتاییەیل ئاماژە وە  کەن ک ئاگرەگە وە مدوو شۆرت کارەبا بویە.

وتیش؛  گەنجیگ لەداڵگبوی ساڵ 2009 وە هەڵواسین خوەی کوشتگە وە پەتیگ کە لە قەواسەی وتاقەگەیح هەڵواسریاس، لە گەڕەک جەزائیر لە ناوچەی شەعب، و دیاریکرد  کەسوکارەگەی وتن  گرفت دەروینی داشتگە.

وتیش:  شارەزای بەڵگەیل تاوانکاری رێنمایی دان وە وازکردن لێکۆڵینەوە لە رویداوەگە، وە مدوو وجوود گومان لەبارەی هووردەکارییەیلی.

لە دیالە، سەرچەوەگە دیاری ئەرا زەخمداربوین دوو کەس وە مدوو تەقەکردن لە ماوەی مەرافیگ چەکداری کە لە ناوەین قەومەیل لە ناحیەی کەنعان لە خوەرهەڵات بەعقووبە هیزگردیە، و ئاشکرا کرد  زەخمدارەیل ئەرا خەسەخانە کلکریان و لێکۆڵینەوە لە رویداوەگە واز کریا.