شەفەق نيوز- ميسان/ بەسرە
هەرلە پارێزگایل میسان و بەسرە لە باشوور عراق، لە وەردەم بوین لەناو لیست بەرزترین پلەی گەرمی ئمڕوو چوارشەممە، وە توومارکردن نیمەی پلەی کوڵیان.
خشتەی پلەی گەرمی مەزن و نم ریژەیی لەلایەن دەزگای گشتی کەشناسی و زەویلەرزەناسی، کە رەسیە ئاژانس شەفەق نیوز، نشان دا کە پارێزگایەیل میسان و بەسرە 50 پلەی سەدی توومار کردنە.
دەزگاگە دیاری کرد کە پلەی گەرمی مەزن ئمڕوو لە ساعەت سێەی نیمەڕوو توومار کریا، کە بەرزترین خوەنستنە لە ماوەی 24 ساعەت، و سەختی کاریگەری تیشک خوەر و درویژەداین گەرمی لەی وەختە لە ساڵەگە نشان دەێد.
ئەو پلەی گەرمیە کە ئایەم لەلی ئاگادار بوود، و هەمیشە وەگەرد ئەو پلە نیەتیەێد کە توومار کریاس، کە کاریگەر بووم وە چەن چشتیگ، لەناویان ریژەی نم لەناو وا، هەر چەنیگ بەرزەو بوود، هەسکردن وە گەرمی زیایەو بوود، ئەوەیش لە ناوچەیە نزیک گوڵەمە ئاوەیل یا لە شەپوول نم تاوسانی.