شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە رمیان بینای چێشتخانەیگ لە ناوچەی جادریە ناوڕاس بەغداد لەوەر تەقینەوەی نادیاریگ.
سەرچەوەگە ئەرا ئاژانس شەفەق نیوز وت: بینای چێشتخانەی (لەیلا) لە جادەی زەورا لەناوچەی جادریە کەفتە وەر رمیان تەواوی دویای تەقینەوەی نادیاریگ.
وەگورەی زانیارییەیل سەروکی، تەقینەوەگە لە گیچەڵیگ لە سیستەم گازەگە بویە.
سەرچەوەگە وتیش: فرەی کراکارەیل لەناو ژیرزەمینەی ئەو چیشتەخانە بوینە، وتیش: تیمەیل وەرگری شارستانی رەسینە شوین رویداوەگە ئەرا مینەکردن و رزگارکردن.
وتیش: وەرگری شارستانی وفریاکەفتن بەغداد توەنستنە تا ئیسە ٣ زەخمدار درارن.
وەرگری شارستانی لە بەیاننامیگ وت: هیمان کەسەیلیگ لەناو بینا رمیایەگە گیر هاتنە.