شەفەق نیوز/ سەرچەوەیگ ئەمنی لە دیالە، ئمڕوو شەممە، خەوەردا لە رفیان مامووستایگ خانەنشین و دزیکردن پویل و تەڵا لە ناوڕاس بەعقوبە، و هەمیشە گ ١٨ کەس لە چزدەرەیل ئەلیکتڕۆنی لە هەفت پارێزگا دەسگیر کریان.
سەرچەوەگە ئەرا ئاژانس شەفەق نیوز وت: چەکدارەیلیگ نەناسریاگ پەلامار ماڵ مامووستایگ خانەنشین لە ناوچەی بەعقوبە جیۆە دان، و دەس نانە بان پویل وتەڵای و وەرەو شوین نادیاریگ رفاننەی.
وتیش؛ وەچەودیەلیگ باس کردن ک وەرجە ماوەی کەمیگ ئی مامووستای رفیایە ماڵەگەی فرووشتگە، و هێزە ئەمنیەیلە هانە مینەکردن وەخاتر ئازادکردنی و گلەوداین پویل و تەڵایلی.
لە چینیگ هاوشیوە؛ چەکدارەیلیگ تەقە وەر پیاو سی ساڵانیگ لە ناوچەی دورلسفر لە قەزای موقدادیە کردن ک زەخمداری کردن.
و لەناوڕاس خود قەزاگە، کابرایگ مەدەنی کەفتە وەر رووداویگ هاتوچوو، و وەرەو خەسەخانە بریا.
لەلاییگ تر، شانەی راگەیانن ئەمنی لە بەیاننامەیگ رەسیە ئاژانس شەفەق نیوز وت: لە بنەمای سکاڵایل کەلەلایەن بڕێ دوێەت، مەفرەزیل دەزگلی ئەمن نیشتمانی تەقەلایل هەواڵگری خەسەو کردن، و کوڵەیل توکمە وەگورەی یادداشتەیل دادوەری گردن، تا شەش کەس لەوانەگ چزدان ئەلیکتڕۆنی وە ژنەیلە کەن وەرانوەر پویل لە پارێزگای کەربەلا.
وتیش؛ مەفرەزیل دەزگاگە لە پارێزگایل کەرکوک، و ئەنبار، و موسنا، و واسیت، و نەجەف، و بەسرە، ١٢ کەس دەسگیر کردن، ک چز ژنەیلە دانە ئەگەر پویل وەپیان نەیەن، وێنەیلیان بڵاو کەن.