شەفەق نیوز/ سەرچەوەیگ پزیشکی لە فەرمانگەی زیقار باشوور عراق، ئمڕوو دووشەممە، خەوەردا گرزەیگ پەلامار خەسخانەی دڵ دایە و فەرمانبەریگ کە شەو ئەرک بویە زەخمداری کردیە.
سەرچەوەگە وە ئاژانس شەفەق نیوز وت " لە کنار خەسخانەی دڵ ناسڕیە سەر وە فەرمانگەی تەندروسی زیقار کار خاسەوکردن و چاڵکردن ئەنجامدرێد، بویەسە مدوو ئەوەگ لە وەخت شەو دیر وەخت دویەشەو گرزەی گەپیگ بچێدە ناو بینای خەسخانەگە و پەلامار فەرمانبەریگ بدەێد لە مەوقەی لە ئەرک بوینی لە شەو "خەفەربوین" و گووشی بگەزێد".
سەرچەوەگە وتیش، "فەرمانبەرەگە چارەسەرکریایە و دوزەیل دژە گەزین وەرگردیە، توەنریاس گرزەگە بکوشن، لەهەمان وەخت کارمەنەیل پزیشکیلەناو خەسخانەگە وەردەوام لە کارکردن ئەرا بەڕەنگاربوین مویشەیلە لە ری وەکارهاوردن دەرمانەیل قڕکەر".