شەفەق نیوز - بەغداد
وەڕێوەبەرایەتی وەرگری شارستانی، ئمڕوو جمعە، راگەیان کە تیمەیل رزگارکردن سەرکەفتنە لە رزگارکردن چوار هاووڵاتی لە یەک خیزان - کە مناڵ لەناویانە - دۊای رۊداو رمیان خانگ ماڵیگ نیشتەجیبۊن لە ناوچەی دۆرە لە باشوور بەغدای پایتەخت لە وەختیگ دیر لە دۊشەو پەنجشەممە.
و وەڕێوەبەرایەتیەگە لە بەیاننامەیگ کە رەسیە ئاژانس شەفەق نیوز، دیاری کرد کە رمیانەگە گلەو خوەێد ئەرا کۊنەبۊن بیناگە و داڕزیانی، هاووەخت وەرد جیوەجیکردن کارەیل خاسەوکردن لەناوی ماڵە زیانلیکەفتگەگە.
دیاری کرد کە تیمەیل رزگارکردن پرۆسەیل مینەکردن و لابردن جیماگەیل وە سەرکەفتنیگ تەواو دوایی هاوردنە، وەبس توومارکردن هیچ زیانەیلیگ گیانی کە جی باس بوود.