شەفەق نیوز - بەغداد

سەرچەوەیگ ئەمنی، ئمڕوو یەکشەممە، خەوەردا کە ژنیگ هەڵگر رەگەزنامەی سووری ئاگر وە گیان خوەی نا وە وەکارهاوردن مادەی "بنزین" لە ناوچەی "ئەبو دشیر" سەر وە گەڕەک دۆرە لە باشوور بەغدای پایتەخت.

سەرچەوەگە ئەرا ئاژانس شەفەق نیوز وت، کە رۊداوەگە بۊە مدوو زەخمداربۊن ژنەگە وە زەخمەیلیگ سەخت لە دەمچەوی کە لە ئەنجامی بریا ئەرا خەسەخانە ئەرا وەرگردن چارەسەر.

وتیش کە ژنەگە - وەپەی قسەی خوەی -  ئی کارە وە مدوو وینەگردنی لەلایەن کەسەیلیگ ناسیاگ کردیە، و هەڕەشە لەلی کردنە بڵاوی بکەن وەرانەور کارەیل "بەدڕەوشتی" وەردی، و دیاری کرد کە هێزە ئەمنییەیل دەسوەجێ تیمیگ کار دروس کردن و هەردگ تومەتبارەگە دەسگیر کردن، کە دوو کەسن، و ئەرا تەواوکردن رێکارە یاساییەیل و کلکردنیان ئەرا دادگا.