شەفەق نیوز - بەغداد
گەردەلویل تەپوتوز، ئیوارەی ئمڕوو سێشەممە، دەسگرد وەبان بەغدای پایتەخت عراقی، و بویە مدوو پووشین ئاسمان فرەیگ ناوچەیلی وە تەپوتوز خەسیگ.
کامێرای ئاژانس شەفەق نیوز، دیمەنەیل لە جادەیل پایتەخت گرد کە وە تەپوتوزی دەرکەفت و وەرەو زەردی چگە وەگەرد کەمەوبوین ئاست نوڕین.
لە لای خوەیەوە، وەڕێوەبەرایەتی گشتی هاتوچوی داوا لە رانندەیل کرد کە هوشیار بون، لە وەختیگ ک تەپوتوز بڵاوەو بویە و ئاست نوڕینەگە لە بڕیگ لە ریەیل داوەزیاگ.
وەڕێوەبەرایەتیەگە لە بەیاننامەیگ ک رەسیە ئاژانس شەفەق نیوز ، دووپات کرد لەبان هەوەجەی پابەندبوین رانندەیل وە کەمەوکردن خێڕایی وەپای ئاست نوڕین و حاڵەت ریەگە، و هیشتن مەودای دڵنیایی پوڕیاگ لەناوەن ماشینەیل، و وەکارهاوردن رووشنایی پوڕیاگ لەوەخت دەرچگن، و دویرکەفتن لە وەنواچگن و جویلەی لەناکاو.