شه‌فه‌ق نيوز/ رووژنامه‌ى "وۆل ستريت جۆرناڵ" ئه‌مريكى, ئاشكراى ئه‌وه كرد ك پاسه‌وه‌ان شۆڕش ئيرانى تويه‌نستگه سه‌رچه‌وه‌ى ته‌مويل تازه‌يگ بوينێده‌و له وه‌ختيگ ك وڵاته‌يل يه‌كگرتگ ئه‌مريكا ته‌نگ وه سه‌رچه‌وه‌يل ده‌خڵ رژيمم ئيرانى هه‌ڵچنيه له‌ڕێ چه‌سپان سزايه‌يل له‌بان ئيران.
رووژنامه‌گه ئاماژه وه ئه‌وه كرد ئه‌و سه‌رچه‌وه‌ى تازه خوه‌ى له كرده‌وه‌يل ته‌هريب و پرووژه‌يل ژيرخان ئابوورى له عراق و سوريا و هاورده‌كردن كاڵا دوينێده‌وه‌و ئه‌و سزايه‌يله پشتگووش خستگه ك له‌لايه‌ن واشنتۆنه‌و له‌بان ته‌هران چه‌سپياگه.
رووژنامه‌گه له زووان راوێژكاره‌يليگ پاسه‌وان شۆرش و سه‌رچه‌وه‌يليگ حكومى ئه‌مريكى ئه‌وه ده‌رخست ك پاسه‌وان سۆرش ده‌خڵيگ له ريككه‌فتنه‌يل ژيرخان ئابوورى ئه‌را خوه‌ى ديه‌سه‌و ك له‌ى دوياخره له سورياو عراق ئمزا كرياگه، يه‌يش له‌وه‌ختيگ ك پاسه‌وان شۆڕش كۆمپانياى گه‌وراى مقاولات وه‌ناو"خاته‌م ئه‌لئه‌نبيا"ديرێد و ساڵ گوزه‌يشت ريككه‌فتنيگ ئه‌را بنياتناين پرووژه‌يل ئمزا كردگه وه‌تايبه‌ت له مه‌سه‌له‌ى كيشانن لويله‌يل نه‌فت و غاز له عراق.