شەفەق نیوز/ عەبدولحسێن هنداوی راوێژکار سەرۆک وزیران لەباوەتەیل هەڵبژاردن، ئمڕوو سێشەممە، راگەیان لە رویکردنیگ دارایی لەلایەن حکومەت موستەفا کازمی، دەربارەی هەڵبژاردنە زوینەگە لە عراق.
هنداوی ئەرا ئاژانس شەفەق نیوز وت: پویلە تەرخانکریایەگە ئەرا هەڵبژاردنە زوینەگە، ئەوسا لە بوودجەی ٢٠٢١ دابین کریەێد ، ودیاریکرد؛ ک عراق هەمیشە دەور ٢٥٠ مەلیۆن دۆلار ئەرا هەڵبژاردن دیاری کەێد، وحکومەت موستەفا کازمی کارکەێد ئەرا کەمەوکردن ئی خەرجەیلە ئەرا نیمە، تا بوودە دەور ١٢٥ مەلیۆن دۆلار.
وتیش: هەڵبژاردنە زوینەگە فرە گرنگە، هەمیش دابین کردن پویل ئەرا ئەنجامداین ئی هەڵبژاردنە، وحکومەت عراق توانای دابینکردن ئی پویلە دیرێد، ک خوەی لەبان رەوش سەخت وڵاتەگە، مووچەی فەرمانبەرەیل دابین کرد، و پویل هەڵبژاردنەگە فرە کەمترە لە پویل مووچەی فەرمانبەرەگان ک مانگانە دریەێد.
راوێژکار سەرۆک وەزیران هەمیش وت: حکومەت عراق توانای دابینکردن گشت پویلەگان دیرێد ئەرا سەرکەفتن وە هەڵبژاردن زوینە، و فرە ری دیرێد ئەرا دابینکردن ئی پویلەیلە، لەبان ئی رەوشەیل دارایی وئابووریە، لەری هاوکاریە ناودەوڵەتیەگان، و ریەیل فرەیگ تر.