شەفەق نیوز/ سەرچەوەیگ ئەمنی، ئمڕوو دووشەممە، خەوەردا کە وەردەوەردەیگ کەفتیەسە ناوەین رانندەی ماشینیگ مارکەی چارچەر وەگەرد پولیسیگ هاتوچو لە ناوچەی عەلاوی ناوڕاس بەغداد پایتەخت.
سەرچەوەگە ئەرا ئاژانس شەفەق نیوز وت: رانندەگە دەوانچە کیشا و تەقە کردر و کابرای ریواریگ زەخمدار کرد، وتیش: شیوەی تەقەکەرەگە دریا دەس هیزەیل ئەمنی تا دەسگیری بکەن.
هەرلیوا، وەڕیەوبەرایەتی دژە تاوان بەغدار ئاشکرا کرد کە رویداویگ هاتوچو دەرکەفتیە تاوان کوشتنە.
لە بەیاننامەیگ رەسیە ئاژانس شەفەق نیوز وت: دویای توومارکردن ئاگاداری لە رویداویگ تلیان لەبان کڕ سەرەکی لە ناوچەی شوعلە لە بەغدا، کە بویە هوکار کوشیان کەسیگر کاغەزەیل لێکۆڵینەوە خریا وەردەس وەڕیەوبەرایەتی دژە تاوان بەغداد.
دژە تاوان دەسکردە گردەوکردن زانیاری، کە دەرکەفت رویداوەگە لە دویای دەمەقاڵیگ ناوەین تاوانبار ز قوربانیەگە بویە، کە وە ماشینەگە تلانیەسەی و داسە قەی پەرژینیگ و وەکوتپڕ مردیە، و تاوانبارەگە دەسگیر کریا.