شەفەق نیوز/ وەزارەت دەرەوەی ئیران، ئمڕوو دووشەممە، نووڕێد ک ئەو گورزەیلە ک یە هەشت رووژە وەردەوامە، لەبان باکوور هەولێر لە هەرێم کوردستان، لەناو چوارچیوەی یاسایی تیەێد.

ناسر کەنعانی قسەکەر وەزارەت دەرەوەی ئیران لە کۆنگرەیگ رووژنامەوانی وت: وڵاتەگەی ڕازی نییە زەویەیل عراق بوودە بارەگای هەڕەشەداین ئاسایش نەتەوەیی ئیران، و دووپات کرد ک وەرجەیە هوشداری دایمنەسە عراق لە شوین شانەیل تیرۆری دابڕینی لەبان سنوورمان.

وتیش: وە وەرپرسەیل بەغداد و هەرێم کوردستان وتیمنە؛ ئێمە رەت کەیمن ک زەویەیل عراق بوونە بارەگای هەڕەشەی ئاسایش ئیرانی، و گشت ئەو ریکارەیل ئیمە لەناو چوارچیوەی یاسایی ببویە.

دووپاتیش کرد ک وڵاتەگەی ڕێز لە یەکێتی سەروەری عراق گرێد.

ئمڕوو دووشەممە، دووارە گورزەیل ئیران، ئەرا هەشتەم رووژ وەبان یەک، لدبان ناحیەی سیدەکان لە ئیدارەی سۆران سەروەخوەیی لە هەولێر نووە بوین.