شەفەق نیوز/ سەرچەوەیگ لە پولیس عراق، و کەسەیلیگ وەچەودی، ئمڕوو سێشەممە، خەوەردان لە هیزگردن ئاگریگ لەناو هوتێلیگ لەناوڕاس شار نەجەف، ک وەپی ئویشن ناوچەی کوینە.
سەرچەوەگە و وەچەودیەیل ئەرا ئاژانس شەفەق نیوز وتن: زیاتر لە پەنج تیم ئاگرکپەوکردن وەگەرد ئامێر و ماشینیان تەقەلای کپەوکردن ئاگرەگە دەن.
وتیش؛ میوانەیل هوتێلەگە ک زیارەتچی ئیرانی لەناویان بوی کەفتنە وەر تاسیان وە دویکەڵ ئاگرەگە، وتیش؛ تیمەیل وەرگری شارستانی توەنستن بیناگە لە بڕیگ لەلیان چووڵ بکەن، و تەقەلای رزگارکردن ئەوەکان دەێد.