شەفەق نیوز/ سەرچەوەیگ وەرپرس لە دیالە، خەوەردا لە تەواوکردن یەکەمین گامەیل وەکارخستن مەرزیگ سنووری لەلایەن ئیران وەگەرد عراق دا، ئەوەیش لە خوەرهەڵات پارێزگای دیالە، ک یە سێیەم مەرزە لە دیالە وەگەرد ئیران، دویای مەرز مەنزەریە ومەنەلی، هەرچەن حکومەت عراق تا ئیسە ڕازی وەی کارە نەویە.

سەرچەوەگە ئەرا ئاژانس شەفەق نیوز وت " لایەن ئیرانی مەیدان و کەرەڤانەیلیگ لە خوەرهەڵات ناحیەی قەزانیە لەنزیک مەرز کۆرسنەک دروس کرد، ک بڕیارە بوودە سێیەم مەرز دیالە وەرد ئیران، باوجی ئەنجومەن وەزیرەیل تا ئیسە رەزامەنی لە دروسکردنی یا هەر گامیگ لە وەکارخستنی نەیایە.

دیاری کرد ک یاسای ئیرانی ری وە پارێزگارەیل دەێد مەرز سنووری وەرد دەوڵەتەیل دروس بکەن و واز بکەن، وەگورەی یاسایلیگ حکومەتی دیاریگ، باوجی حکومەت عراق ئیجویر دەسەڵاتیگ نیەێد.

سەرچەوەگە ئاشکرای کارەیل قاچاغی و هاوردن و بردن بازرگانی نا یاسایی کرد، هەرچەن لە لایەنەیل فەرمی عراق دووپات نەکریاگە، ک جەنگ و مرافەیگ لەناو کەسەیلیگ ە لایەنەیلیگ دەسەڵاتدار نادەو، ک لەبان مەرەزەیل سنووری دیالە زاڵن، وەبی ئاشکراکردن ناو ئەو کەس و لایەنەیلە.

دیاری کرد ک ئەوەگ دویەک٣ لە ناوچەیلیگ نزیک لە مەرز کۆرسنەک رویدایە جەنگ و مرافەی ئەو گرووپەیلە بوی ک وەبان هاوردن وبردن بازرگانی زاڵن، وەبی ئاشکراکردن ناویان، ک بویە هووکار کوشیان ٣ کەس و زەخمداری دوواتر فرەیان لە دانیشتگەیل ناحیەی قەزانیە بوین.