شەفەق نیوز- خوزستان/ میسان

پارێزگار خوزستان ئیرانی محمد رەزا مەوالی زادە، ئمڕوو دووشەممە، دووپات کرد لەبان دەسوەپیکردن جۊلەی بارهەڵگرەیل لە مەرز سنووری شەلامچە وەگەرد عراق.

 مەوالی زادە، لە لێدوانیگ ئەرا رووژنامەنویسەیل وت: "لەبان بنەمای ئەو دانوسەنینەیلە کە وەگەرد هاوبەشە عراقییەیلەمان جیوەجی بۊ، جۊلەی هامشوو سەرنشینەیل لە هەردوگ مەرز چەزابە و شەلامچەی سنووری دەس وەپی کردەو".

هەمیش وت، کە "دەسوەپیکردن جۊلەی بارهەڵگرەیل لە مەرز شەلامچە لە ئمڕووەو جیوەجی بۊ، و دۊکە سەردان مەرز چەزابەی سنووری کردیمن، کە لەتی دانوسەنینەیل وەگەرد وەرپرسەیل عراقی جیوەجی کردیمن، و بڕیار دریا پەلە بکریەێد لە رێڕەو کار لەی مەرزەیشە ئەرا مسۆگەرکردن وەردەوامبۊن جۊلەی بارهەڵگرەیل و کاڵایەیل لە هەردوگ لایەنەگەو".

 لایەنە ئەمنییە عراقییەیل لە دۊکە شەممەو، دەس کردۊنە جیوەجیکردن ئۆپەراسیۆنەیل ریکخستن کارگێڕی و ئەمنی لە شمارەیگ لە مەرزە سنوورییەیل، ئەوەگ هەوەجە کەێد بەسیانیان، ئەوەیش دۊای پەلاماریگ کە سعودیە کردە ئامانج لەناو خاکەیل عراقییەو.