شه‌فه‌ق نيوز/ بانك رافده‌ين وه‌جبه‌يگ تر تازه‌ له‌ سلفه‌ى كارمه‌نده‌يل ده‌وڵه‌ت له‌ناونى 3 و 5 و 10 مليۆن دينار له‌ڕێ كارت ماسته‌ر كارد ناوده‌وڵه‌تى دابه‌شكرد.

له‌و باوه‌ته‌و، نويسينگه‌ى ره‌سانن بانك رافده‌ين له‌ به‌ياننامه‌يگ ئه‌را شه‌فه‌ق نيوز، وت: وه‌جبه‌ى تازه‌يگ له‌ سلفه‌ى كارمه‌نده‌يل ده‌وڵه‌ت ئه‌را زياتر له‌ 1200 كارمه‌ند دابه‌ش كرياگه‌ له‌وانه‌گ مووچه‌يليان جيگير كرياگه‌ له‌لاى بانكه‌گه‌و كارت ئه‌لكترۆنى ديرن.

جى باسه‌، به‌ياننامه‌گه‌ هه‌ميش وت: ئه‌و سلفه‌ له‌ڕێ موورپه‌نجه‌و ئاگاداركردنه‌وه‌ى كارمه‌نده‌گه‌ له‌ڕێ نامه‌يگه‌و بويه‌ ئه‌را وه‌رگرتن سلفه‌گه‌، ئه‌ويش دوياى ته‌واوكردن گشت ريه‌يل ياسايى و وه‌رگرتنى له‌ڕێ كارت ئه‌لكترۆنى.