شه‌فه‌ق نيوز/ بانك رافديه‌ن ئاشكراى دابه‌شكردن وه‌جبه‌ى تازه‌يگ له‌ سلفه‌ى خانه‌نشينه‌يل مه‌ده‌نى و سه‌ربازى كرد له‌ناونى 3و 5و 8و 10 مليۆن دينار له‌ڕێ هووكاره‌يل ئه‌لكترۆنى.

له‌ى باوه‌ته‌و، نويسينگه‌ى ره‌سانن بانكه‌گه‌ له‌ به‌ياننامه‌يگ ئه‌را شه‌فه‌ق نيوز وت: وه‌جبه‌ى تازه‌يگ له‌ سلفه‌ى خانه‌نشينه‌يل مه‌ده‌نى و سه‌ربازى ئه‌را نزيكه‌ى 989 خانه‌نشين دابه‌ش كرياگه‌.

به‌ياننانه‌گه‌ يه‌يش ده‌رخست دابه‌شكردن ئه‌و سلفه‌ له‌ڕێ هووكاره‌يل ئه‌لكترۆنى و كلكردن نامه‌يگ بويه‌ ئه‌را وه‌رگرتنى دوياى ته‌واوكردن گشت رێ وشوونه‌يليگ ياسايى له‌و باوه‌ته‌و.