شه‌فه‌ق نيوز/ بانك رافده‌ين ئاشكراى دابه‌شكردن مووچه‌ى مانگ ئاب خانه‌نشينه‌يل مه‌ده‌نى و سه‌ربازێ كرد.
له‌و باوه‌ته‌و، نويسينگه‌ى ره‌سانن بانكه‌گه له به‌ياننامه‌يگ ئه‌را شه‌فه‌ق نيوز وت: مووچه‌ى مانگ ئاب دابه‌ش كرياگه له‌بان خانه‌نشينه‌يل مه‌ده‌نى و سه‌ربازێ له‌ڕێ كارت ئه‌لكترۆنى.
به‌ياننامه‌گه يه‌يش ده‌رخست ك خانه‌نشينه‌يل مه‌ده‌نى و سه‌ربازێ ئه‌تويه‌نن مووچه‌يليان له هه‌ر شوونيگ وه‌ربگرن ك له‌تى وجوود ديرن.