شه‌فه‌ق نيوز/ بانك رافده‌ين ئاشكراى ئه‌وه كرد داين سلفه‌ى 10 مليۆن ديناره‌گه وه كارمه‌نده‌يل كه‌رت تايبه‌ت و تيكه‌ڵ له‌وانه‌گ له نه‌خوشخانه‌و كۆليژ و كۆمپانيايه‌يل ئه‌هلى كار ئه‌كه‌ن له حاڵه‌تيگه ك ئه‌و كارمه‌نده مووچه‌ى مانگانه‌ى وه‌ل ده‌رماڵه‌گه‌ێ له 500 هه‌زار دينار زياتر بدێ.
له‌ى باوه‌ته‌و، نويسينگه‌ى ره‌سانن بانكه‌گه له به‌ياننامه‌يگ وت: له حاڵه‌تيگ ئه‌گه‌ر كارمه‌نده‌گه مووچه‌گه‌ى له‌ناونى 500 هه‌زار دينار و كه‌متر بدێ ئه‌وه بڕ 5 مليۆن دينار سلفه وه‌پى ئه‌دريه‌ێد.
جى باسه، به‌ياننامه‌گه هه‌ميش وت: ماوه‌ى داينه‌وه‌ى ئه‌و سلفه‌يشه 5 ساڵه‌و وه‌شيوه‌ى قست و قانجاز مانگانه ئه‌دريه‌ێده‌و ئه‌را ماوه‌ى 60 مانگ له‌و رووژه‌و ك سلفه وه‌رئه‌گرێد دوياى ته‌واوكردن رێ وشوونه‌يل ياسايى ئه‌را وه‌رگرتنى.