شه‌فه‌ق نيوز/ بانك رافده‌ين مه‌رج ئه‌وه دانا ك 50 له‌سه‌د له مووچه‌ى مانگانه‌ى كارمه‌ند ئه‌را قست مانگانه‌ى ئه‌و سلفه بدێ ك 25 مليۆن ديناره.
له‌و باوه‌ته‌و، نويسينگه‌ى ره‌سانن بانك رافده‌ين له به‌ياننامه‌يگ ئه‌را شه‌فه‌ق نيوز وت: كارمه‌ند ماف ئه‌وه ديرێد سلفه‌ى دويه‌ميش وه‌ربگرێد ئه‌گه‌ر سلفه‌ى زويتريش بياشتوود وه‌گووره‌ى مه‌زه‌نه‌ى مووچه‌گه‌ى ك مه‌نده‌سه‌وه‌و ئه‌وه‌گ له‌لێ بڕياگه له سلفه يه‌كه‌مه‌گه‌ێ.
به‌ياننامه‌گه هه‌ميش وت: سلفه ئه‌دريه‌ێده ئه‌و كارمه‌نده‌يل ده‌وڵه‌ته ك مووچه‌يليان جيگيره له‌لاێ بانكه‌گه‌و ئه‌وانه‌گ ماسته‌ر كارد ديرن له بانكه‌گه‌و داوايش له كارمه‌نده‌يل ده‌وڵه‌ت كرد سه‌ردان لقه‌يلێ بكه‌ن له به‌غداو پاريزگايه‌يل و پێشكه‌ش ئه‌را وه‌رگرتن سلفه بكه‌ن.