شه‌فه‌ق نيوز/ بانك رافده‌ين، ئاشكراى هه‌واڵه‌كردن مووچه‌ى ئه‌و خانه‌نشينه‌يل كرد ك وجوود ديرن له ده‌يشت وڵات, ئه‌ويش له‌ڕێ لقه‌يل بانكه‌گه له‌ده‌يشت وڵاته‌گه له‌ماوه‌ى ئمساڵ.
له‌ى باوه‌ته‌و، نويسينگه‌ى ره‌سانن بانك رافده‌ين له به‌ياننامه‌يگ ئه‌را شه‌فه‌ق نيوز وت: خانه‌نشينه‌يليگ هه‌ن هانه ده‌يشت وڵات و مووچه‌يليان ئه‌را لقه‌يلمان له عه‌ممان و به‌يروت و ئه‌بوزه‌بى و سه‌نعا و به‌حره‌ين ئه‌رايان هه‌واڵه كرياگه وه‌گووره‌ى رێ وشوونه‌يل ياسايى.
بانكه‌گه هه‌ميش وت: ئيمه وه‌رده‌واميم له هه‌واڵه‌كردن مووچه‌ى مانگانه‌ى خانه‌نشينه‌يل و ئيسه‌يش ريژه‌يان زياى كردگه‌و ئه‌خوازيم خزمه‌تگوزارى خاستر بانكى پيشكه‌ش وه‌پيان بكه‌يم و ته‌كنۆلوجياى پيشكه‌فتگ باريمنه كار جوور ئه‌وه‌گ بانكه‌يل جه‌هانى وه‌كارى ئه‌يه‌رن.