شه‌فه‌ق نيوز/ بانك رافده‌ين ئاشكراى داين قه‌رز وه بڕ 50 مليۆن دينار كرد ئه‌را هاووڵاتيه‌يل له‌وه‌ر بنياتكردن له پارچه زه‌وييگ نيشته‌جێ ك وه‌ناو خوه‌يه‌و تۆمار كرياوێد.
له‌ى باوه‌ته‌و، نويسينگه‌ى ره‌سانن بانك رافده‌ين له به‌ياننامه‌يگ وت: بڕيار درياگه 50 مليۆن دينار قه‌رز بدريه‌ێده هاووڵاتيه‌يل ئه‌را بنياتكردن ماڵ له پارچه زه‌وييگ وه‌ناو خوه‌يه‌و بدێ يا وه‌ناويگ هاوبه‌ش وه‌گووره‌ى تاپوو وه مه‌رجيگ لايه‌نگرى ده‌زگاى تۆماركردن عه‌قارى وه‌ليا بدێ جوور ره‌هن ئه‌را بانكه‌گه.
جى باسه، بانكه‌گه مه‌رج ئه‌وه‌يش ديرێد خه‌ريته‌و مووڵه‌ت بناتكردنه‌گه‌يش وه‌ليا پيشكه‌ش بكريه‌ێد له پارچه زه‌وييگ ك ئه‌خوازيد بنيات له‌تى بكه‌ێد.