شه‌فه‌ق نيوز/ بانك رافده‌ين ئاشكراى ده‌سوه‌پيكردن داين قه‌رز 100 مليۆنى كرد ئه‌را سه‌ندن يه‌كه‌يل نيشته‌جيبوين له پرووژه‌يل وه‌به‌رهاوردن.
له‌و باوه‌ته‌و، نويسينگه‌ى ره‌سانن بانكه‌گه له به‌ياننامه‌يگ ئه‌را شه‌فه‌ق نيوز وت: له‌و سياسه‌ت باكيگه ك په‌يڕه‌و ئه‌كريه‌ێد و ئامانج له‌لى پشتگيرى كارمه‌نده‌يل و هاووڵاتيه‌يله بڕيار دريا قه‌رز بدريه‌ێد ئه‌را سه‌ندن يه‌كه‌يل نيشته‌جيبوين له پرووژه‌يل وه‌به‌رهاوردن.
جى باسه، به‌ياننامه‌گه هه‌ميش وت: له حاڵه‌تيگ داواكه‌ر قه‌رزه‌گه ئه‌گه‌ر كارمه‌ند بوێ، ئه‌وه 100 مليۆن دينار وه‌پى ئه‌دريه‌ێد، وه‌لێ ئه‌گه‌ر هاووڵاتى ئاسايى بوێ ئه‌وه 50 مليۆن وه‌پى ئه‌دريه‌ێد جوور به‌رزترين قه‌رز.