شه‌فه‌ق نيوز/ بانك رافده‌ين وه‌جبه‌يگ تر تازه‌ له‌ سلفه‌ى كارمه‌نده‌يل ده‌وڵه‌ت دابه‌شكرد له‌ناونى 3 و 5 و 10 مليۆن دينار له‌ڕێ كارت ماسته‌ر كارد ناوده‌وڵه‌تى.

له‌ى باوه‌ته‌و، نويسينگه‌ى ره‌سانن بانك رافده‌ين له‌ به‌ياننامه‌يگ ئه‌را شه‌فه‌ق نيوز وت: وه‌جبه‌ى تازه‌يگ له‌ سلفه‌ى كارمه‌نده‌يل ده‌وڵه‌ت ئه‌را زياتر له‌ 1200 كارمه‌ند دابه‌ش كرياگه‌ له‌وانه‌گ مووچه‌يليان جيگير كرياگه‌ له‌لاى بانكه‌گه‌و كارت ئه‌لكترۆنى ديرن.

به‌ياننامه‌گه‌ يه‌يش ده‌رخست ئه‌و سلفه‌ له‌ڕێ موور په‌نجه‌ى كارمه‌نده‌گه‌و ئاگارداركردنى بويه‌ له‌ڕێ نامه‌يگ ئه‌را وه‌رگرتنى دوياى ته‌واوكردن گشت رێ وشوونه‌يليگ ياسايى ئه‌را وه‌رگرتنى له‌ڕێ هووكاره‌يل ئه‌لكترۆنى.