شەفەق نیوز/ هەردوگ بانک رافیدەین و رەشید، ئمڕوو دووشەممە، دەسکردنە بەشەوکردن مووچەی خانەنشینیەیل مەدەنی وسەرباز ئەرا مانگ ئاب.  

سەرچەوەیگ وەرپرس لە وەزارەت داریی ئەرا ئاژانس شەفەق نیوز وت: خەرجکردن مووچەی خانەنشینیەیل مەدەنی وسەرباز ئەرا مانگ ئاب، لە بانکەیل رافیدەین ورەشید، ئمڕوو دەسوەپی کرد.    

دیاری کرد ک بەشەوکردن مووچەگە وەپلەپلە دەسوەپی کرد،  وتیش: خانەنشینیەیل توەنن روی وەرەو نزیکترین شوین خەرجکردن بکەن، تا مووچەیلیان وەربگرن.    

شەوەکی ئمڕوو، وەزارەت کار وباوەتەیل کۆمەڵایەتی، دەسکردن وە بەشەوکردن مووچەی خانەنشینیەیل کریکارەیل ئەرا مانگ ئاب راگەیان.