شه‌فه‌ق نيوز/ نويسينگه‌ى ره‌سانن خالد عوبه‌يدى وه‌زير وه‌رين وه‌رگرى و ئه‌ندام ئيسه‌ى ئه‌نجومه‌ن نوێنه‌ره‌يل عراقى له خول ئيسه، هه‌وڵ كوشتن عوبه‌يدى له بازگه‌يگ ئه‌منى له ناوچه‌ى هامارى نه‌ينه‌وا خسته دروو.
له‌و باره‌وه، نويسينگه‌ى عوبه‌يدى له به‌ياننامه‌يگ وت: ماڵپه‌ڕه‌يل په‌يوه‌ندى كۆمه‌ڵايه‌تى هه‌واڵيگ بڵاوه‌و كردنه و له‌تى باس له كوشتن عوبه‌يدى كردنه له موسڵ له‌وه‌خت گوزه‌ركردنى له بازگه‌يگ ئه‌ممنى له هامارى نه‌ينه‌وا له‌وه‌خت سه‌ردانى ئه‌را يه‌كيگ له ده‌زگايه‌يل فه‌رمى.
به‌ياننامه‌گه هه‌ميش وت: جه‌خت له‌بان نادروسى ئى هه‌واڵه ئه‌كه‌يم و داوايش له‌و ماڵپه‌ڕه‌يله كرد ئيچنه هه‌واڵه‌يليگ دروو بڵاو نه‌كه‌ن ك شايه‌ت كاريگه‌رى خراو داشتوود له‌بان هه‌ڵكه‌فت ئه‌منى ده‌وڵه‌ت.