شه‌فه‌ق نيوز/ سه‌رچه‌وه‌يگ له نويسينگه‌ى عادل عه‌بدولمه‌هدى سه‌رۆك حكومه‌ت عراقى، ئه‌و هه‌واڵه‌يله خسته دروو ك باس له‌وه كرديان شاند عراقى وه سه‌رۆكايه‌تى عه‌بدولمه‌هدى له چين تويش مه‌ترسييگ هاتنه له سه‌ردانه‌گه‌يان ئه‌را چين.
سه‌رچه‌وه‌گه وت: ئه‌و هه‌واڵه‌يله ك وه‌و جووره باس كردنه له‌باره‌ى شانده عراقيه‌گه ك سه‌ردان چين كردگه وه سه‌رۆكايه‌تى عادل عه‌بدولمه‌هدى ك گوايا ره‌سينه‌سه مه‌ترسى مه‌رگ، نادروسه‌و دويره له‌ڕاسى، جوور ئه‌وه‌گ روسيا ئه‌ليه‌و باس له‌لى كرد.
جى باسه، سه‌رچه‌وه‌گه يه‌يش ده‌رخست ك شانده‌گه له‌بان پيه‌ڵ هايوان گوزه‌ر كردنه‌و له‌ناكاو بويه‌سه واران و هه‌وره‌تريشقه و يه‌يش حاڵه‌تيگه ئاسايى وه نسبه‌ت ئه‌را كه‌ش و هه‌واى چينى و ئى كاريشه هويچ مه‌ترسييگ له‌لى نه‌كه‌فته‌سه‌و.