شەفەق نیوز/ فەرماندەیی ئۆپراسیۆنە هاوبەشەیل، ئمڕوو یەکشەممە، خەوەردان چەکدارەیل عراقی گورزەیل ئاسمانی وەشانن و ئەندامەیل رێکخریاگ داعش لە پارێزگای دیالە کردنە ئامانج، لەئەنجام دوو مەفرەزەی تیرۆرستی لەناوبریا و ئەوانەگ لەناوی بوین کوشیان.
ئۆپراسیۆنەگە ئمڕوو لە بەیاننامەیگ راگەیان، "وە هەماهەنگی وەگەرد ئۆپراسیۆنەگە وەردەوامە لە کەرت ئۆپراسیۆنەیل دیالە و دورگەی دوول سرسار لە سەڵاحەدین لەی قۆناغە ئەنجامەگە وەرهەمداربوی وە وە رمانن پەناگەیلیان و وەدەسهاوردن چەک و پێداویستی جویراوجویریان.
لە بەیاننامەگە وتیش، "گورزە ئاسمانیەیل لە کۆتا خولەکی لەدویای نیمەشەو دویەکە لەئەنجام تیرۆرستەیل دوو مەفرەزە کوشت"، یەیش لە چوارچمگ قۆناغ دویەم ئۆپراسیۆن "وعد الحق" سەربازی.