شەفەق نیوز/ فەرماندەیی ناوەندی ئەمریکا، ئمڕوو شەممە، راگەیان کە چوار بە سەرکردەیل داعش لەناو ١٤ ئەندام بوین کە لە ئۆپراسیۆنیگ هاوبەش ناوەین هیزەیل ئەمریکا و عراق لە بیاوان ئەنبار لە دویادویای ئاب کوشیانە.

وتیش: جویر بەشیگ لە هەڵسەنگاندن دویای، ناوەند ئەمریکی دووپات لە کوشیان چوار سەرکردەی داعش کەێد؛ لەناویان وەرپرس لا گشت ئۆپراسیۆنەیل عراق، و سەرپەرشتیار لەبان گشت ئۆپراسیۆنەیل لە خوەرئاوای عراق، وەرپرس لە سەرپەرشتیاریکردن گەشەپیدان تەکنیکی، و وەرپرس لە سەرپەرشتیاریکردن ئۆپراسیۆنەیل سەربازی خوەرئاوای عراق.

فەرماندەیی ناوەندی ئەمریکا وتیش: گورزەگە ئامانجی پەکخستن و کەمکردن توانای ریخریاگ داعش ئەرا پلانسازی و رێکخستن و جیوەجیکردن پەلامارەیل لە عراق، و لە گشت ناوچەیل خوەرهەڵات ناوڕاس.