شەفەق نیوز/ کۆمپانیای نەفت ناوەندی عراق، ئمڕوو پەنجشەممە، وەکارهاوردن تەکنەلۆژیای ژیری دەسکرد   ئەرا چەودێری بیرە نەفتیەیل لە کێڵگەی خوەرهەڵات بەغداد راگەیان، وەهاوکاری وەگەرد کۆمپانیای  (EBS) چینی، یە دەسکەفتیگ بی پیشینەس لەبان ئاست پیشەسازی نەفتی لە وڵاتەگە.

کۆمپانیاگە لە بەیاناامەیگ رەسیە ئاژانس شەفەق نیوز راگەیان، تەکنەلۆژیای نوو  (DeepSeek-R1) دابینکریاس ئەرا  وەردەوام چەودێریکردن بیرەیل نەفتی تاک، یەیش ئاست وشکنیننەیل رۆتینیەگان دەسی رەدکەێد، کە دیر گیچەڵەیل ئاشکرا کرد و جواویان دا.

کۆمپانیاگە ئاشکرایکرد تکنەلۆژیاگە پشت بەسێد وە "چەودێریکردن لە درویژایی وەخت ئەرا مسۆگەرکردن دڵنیایی لە کارکردن" و "کەمەوکردن وەخت پەیاکردن گیچەڵەیل ئەرا چەن خولەک دیاریکریاگ" و "مەزەنەیکردن رخداریەیل وە خێرایی" و  "وەیەکەوبەسان پلاتفۆرمەگە وە مۆبایلەیل زیرەک ئەرا ئاسانکاری چەودێری".

کۆمپانیای نەفت ناوەندی دووپاتکرد، ئێ ئەوزەڵکردنە گام گرنگیگە لە نووەوکردن کێڵگە نەفتیەیل، کە بەشدارە لە ئەوزەڵداین بەرهەم، و کەمەوکردن خەرجی، پاراستن ژینگە.