شەفەق نیوز/ عەبدولئەمیر شمەری وەزیر ناوخوەیی عراق، ئمڕوو چوارشەممە، راگەیان کە دادگتیل پەیوەندیدار لە عراق زیاتر لە ٨٠ فەرمان وەسێدارەدان لەبان تاوانبارەیلیگ وە بازرگانیکردن وە مادەی هووشبەر ناوخوەیی و ناودەوڵەتی لە ماوەی ساڵ ٢٠٢٤ دەرکردنە.
شمەری لە وتاریگ وە میوانی کردن لە دیدار سلێمانی لە چاپ هەشتەمی وتیش؛ ئەرا یەکەمین جارە لەماوەی ئی ساڵە فەرمان وە مادەی ٢٧ لە یاسای هووشبەری وەسێدارەدان لەبان زیاتر لە ٨٠ تاوانبار ناوخوەیی و ناودەوڵەتی وەلایەن دادگایل ئەنجومەن دادوەری باڵا دەرچگە،
مادەی ٢٧ لە یاسای دژە هووشبەری ئویشێد: سزای وەسێدارەدان یا زیندان هەمیشەیی لەبان هەرکەسیگ دریەێد ئەگەر ئی کارەیلە ئەنجام داس: یەکەم مادەی هووشبەر هاوردە کردگە یا هاوردەیە وەنیاز فرووشتنی بیجگە لەو شیوەیلە کە یاسا مووڵەتی داگە. دویەم: هەرکەسیگ مادەی هووشبەر ئەرا بازرگانیکردن دروس بکەێد بیجگە لەو شیوەیلە کە یاسا مووڵەتی داگە.