شەفەق نیوز/ هێزەیل مقەیەتی یاسا، ئمڕوو چوارشەممە، دەسکردنە ریکارەیلیک تایبەت وە کردنەوەی مەیدان تەحریر، ک لە رووادوەیل تەشرین یەکەم لە ساڵ گوزەیشتە بەسیاگە.
سەرچەوەیگ ئەمنی خەوەردا ئاژانس شەفەق نیوز ک هێزەیل مقەیەتی یاسا، لە دەورگرد مەیدان تەحریر بڵاوبوین، ئەرا وازکردن نەفەق سەعدون وەرەو سنەک لەنوای جوولەی ماشینەگان.
وتیش؛ ئەوەسا کادرەیل شارەوانی نەفەقەگە پاکەو کەن و ئامادەی کەن ئەرا جوولەی ماشینەگان، تا ریەگە لەنوای مەیدان تەحریر وازەو بوود، و دووارە ژیانەگە ئەرا سروشت خوەی بایدەو لەدویای کیشانەوی خۆپیشاندەرەگان لە مەیدانەگە.