شەفەق نیوز/  نرخ نەفت قورس و ناوڕاس بەسڕە، ئمڕوو پەنجشەممە، داوەزیان وەخوەی دی وەگەرد جیگیربوین نرخ نەفت لە جەهان.

نرخ خام قورس بەسڕە 26 سەنت داوەزیا کە یەکسانە وە  0.34% رەسیە 75.34 دۆلار ئەرا هەر بەرمیلیگ، و نرخ خام ناوڕاس  26 سەنت داوەزیا کە یەکسانە وە  0.33 % و رەسیە 78.59 دۆلار ئەرا هەر  بەرمیلیگ.

نرخ نەفت جەهانی جیگیربوی  وەگەرد چەوڕێ بوین بازاڕ ئەرا رینمایەیل پیلان سەرۆک ئەمریکا دۆناڵد ترامپ ئەرا دانان رسومەیل گومرکی، و بەرزەوبوین ئەممارەیل نەفت ئەمریکا لەماوەی هەفتەی وەرین.

نرخ خام برنت ئمڕوو  76.51 دۆلار ئەرا هەر بەرمیلیگ بوی، و خام تکساس ئەمریکی 72.61 دۆلار ئەرا هەر بەرمیلیگ.