شەفەق نیوز - بەسرە

نرخەیل نەفت بەسرە "سەنگین و ناوڕاس"، ئمڕوو پەنجشەممە، ئەرا رووژ سێیەم وەبان یەک داوەزیا، وەگەرد وەردەوامی بەرزەوبوین نرخەیل نەفت لە جیهان، چوینکە نەفت برێنت رەسیە بان  102 دۆلار ئەرا بەرمیلیگ.

نەفت بەسرەی سەنگین 65.95 دۆلار ئەرا بەرمیلیگ تۆمار کرد، کە 1.39 دۆلار و وە بڕ 2.06% داوەزیا، لە وەختیگ نەفت بەسرەی ناوڕاس رەسیە 69.25 دۆلار، و 1.39 دۆلار و وە بڕ 1.97% داوەزیا.

لە جیهان، نەفت برێنت بەرزەو بوی ئەرا 102.31 دۆلار ئەرا بەرمیلیگ، وە زیایبوین 2.11 دۆلار یا 2.11%، لە وەختیگ نەفت خوەرئاوای تێکساس ناوڕاس بەرزەو بوی ئەرا 89.83 دۆلار، کە 1.55 دۆلار یا 1.76% بەرزەو بوی.

داتایەیل دیاری کەن، داوەزیان هەردوگ نەفتە عراقییەگە ئەرا رووژ سێیەم وەردەوامە، لە وەختیگ کە گرێبەستەیل  ئەرا نەفت لە جیهان وەرەو بەرزەوبوین چگن.