شەفەق نیوز/ شەکەر و گووشت وە گرنگترین هاوردەیل عراق لە ساڵ ٢٠٢٢ دانریا، وەگورەی سایت trade map ک نەخشەی بازرگانی ناودەوڵەتی ئەرا هەناردە و هاوردەی و داوای ناودەوڵەتی و بازاڕەیل جیگر و بازاڕەیل هاوماڵی بڵاو کەێد.
سایتەگە لە ئاماریگ ئاژانس شەفەق نیوز لەلی ئاگادار بوی وت: عراق لەماوەی ساڵ گوزەشتە ٥٣ کاڵا و شمەک لە برازیل هاوردەی کرد نرخەگەی رەسیە ٧١٤.٦٢٦ ملیۆن دۆلار، وە ئاست ٨٩٪ لە ساڵ ٢٠٢١ بەرزترەو بویە، ک ئەو ساڵە رەسە ٣٩٨.٦٠٢ ملیۆن دۆلار.
وتیش: شەکەر و شیرینی لە یەکەم هات لە هاوردەیل عراق لە بەرازیل وە نرخ ٢٨٤.٨٠٩ ملیۆن دۆلار، ئیجا گووشت وە نرخ ١٢٧.٩٢٧ ملیۆن دۆلار، ئیجا ئاژەیل زینگ وە نرخ ٦٠.٩٥٩ ملیۆن دۆلار، ئیجا پی و روین ئاژەڵ و دەرختی وە نرخ ٤٨.٩٧٥ ملیۆن دۆلار.
سایتەگە وتیش: هەناردەیل عراق ئەرا بەرازیل تەنیا یەک چشت بوی، ئەویش سوتەمەنی کانزایی و روین کانزایی وەنرخ ٥٩٨ ملیۆن دۆلار بوی، و دیاریکرد ک ئەوزەڵکردن ساڵانەی عراق ئەرا بەرازیل وە ئاست ٧١٪ لەماوەی پەنج ساڵ دویایین داوەزیا.