لە ڤیستیواڵەگە جەماوەریگ گەپیگ گردەخوەی ل لایەنەیل حوکومی نوێنەر سەرۆک کۆمار کامل دلێمی و وەزیر رووشنهویری فەکاک ئەلبەدرانی و پارێزگار نەینەوا عەبدولقادر دەخیل و شمارەیگ لە وەرپرسەیل پارێزگاگە ئامادەبوین.
پەیامنێر ئاژانس شەفەق نیوز وت، چالاکیەیل لە گۆڕەپان چالاکیەیل لە لای راس موسڵ کرێد، و ماوەی دوو رووژ وەردەوام بوود و لئیوارە ئاهەنگیگ هونەری ئەرا سەندیکای هونەرمەیل وەڕێوەچوود لە ئیوارەی سوو پێشانگایگ گوڵ و ئاهەنگ کۆتایی کرێد لە شانۆی زاکۆی موسڵ کە ئاهەنگیگ موسیقیەو لەدویایش نمایشکردن شانۆگەری وەلایەن کۆلێژ هونەرە جوانەگان.
یەکەم ڤیستیوال وەهاری موسڵ لە ساڵ 1969 وەڕیوەچی ساڵانە دوارە و ئەکریا وەرد سەوزەوبوین زەوی و وازەوبوین گوڵ لە شارەگە ک ناوچەگە وە (دوو وەهرە) ناسریاگە لەوەر مامناوەنی وەرز وەهار و پاییزی، ڤیستیواڵەگە تا ساڵ 2003 وەردوام بوی.