شەفەق نیوز - هەولێر

سەرۆک دەزگای جیوەجیکار لە دەسەی راگەیانن و پەیوەندییەیل، بەلیغ ئەبو کەلل، ئاشکرا کرد لە ئەنجامدان دانوسەنین و باسکردن فەرمی وەگەرد کۆمپانیای جەهانی "ئەپڵ" ئەرا کاراکردن خزمەتگوزاری دانان ئەلیکترۆنی "ئەپڵ پای" (Apple Pay) و رێکخستن سیاسەت تایبەتمەنیەیلی لەناو بازاڕ عراقی.

ئەبو کەلل، لە وەخت میوانداریکردن لە کۆڕبندیگ  لەپەراوێز بەشداریکردن لە پێشانگای ناودەوڵەتی هەولێر ئەرا کتاو بەسریا، وت "باسکردنیگ وەردەوام هەس وەگەرد کۆمپانیای ئەپڵ، کە ئەرا یەکەم جارە جویر کۆمپانیا و پلاتفۆڕمیگ متمانەپیکریاگ و تەرخانکریاگ ئەرا کارکردن لەبان سیاسەت تایبەتمەنی لەناو بازاڕ عراق وە شێوەیگ فەرمی تێدەناو ".

سەرۆک دەزگای جیوەجیکار ئاشکراکرد  "پەیوەنییەیل گوازریاسەوە ئەرا مژار (بازیەیل)، و دانوسانەیل وەردەوامن وەگەرد کۆمپانیاگە ئەرا کاراکردن خزمەتگوزاری (ئەپڵ پای) لەدویای تەواوکردن گشت رێکارەیل تەکنیکی  یاسایی و دارایی تایبەت وە خزمەتگوزارییەگە".

ئەبو کەلل لە سەرەتای مانگ ئاب/ئۆغست گوزەشتە، راگەیانبوی  کۆمپانیای Apple پلاتفۆڕمیگ دیجیتاڵی جی متمانە پەسەن کردگە ئەرا کارکردن لە کۆمار عراق، ئەوەیش لەدویای تەواوکردن گشت داواکارییەیل و رێکارەیل دیاریکریاگ لە تەمەیل چوارچێوەیی ئەرا پلاتفۆڕمەیل و خزمەتگوزارییە دیجیتاڵییەیل.