شەفەق نیوز- کەرکوک
سەرچەوەیگ پزیشکی لە پارێزگای کەرکوک، ئیوارەی یەکشەممە، خەوەردا لە کوشیان رانندەی ماشینیگ کرا (تەکسی) لەبان ری بەغداد لە باشوور پارێزگاگە، لە رۊیداویگ کە تا ئیسە چۊنیەتییەیلی ئاشکرا نەۊیە.
سەرچەوەگە ئەرا ئاژانس شەفەق نیوز وت، کە رانندەی تەکسییەگە وە مدوو زەخمەیلی گیان لەدەس داگە، دیاری کرد کە تەرمەگەی ئەرا فەرمانگەی پزیشکی دادوەری لە کەرکوک بریا ئەرا تەواوکردن رێکارە یاسایی و پزیشکییەیل.
هەمیش وت کە دەزگایەیل ئەمنی دەس کردنەسە لێکۆڵینەوە لە رۊیداوەگە، و رێکارەیل لە شوین رۊیداوەگە چەسپاننە، وە ئامانج زانستن هۊردەکارییەیل ئەوەگ رۊی داگە و دیاریکردن مدووەیل و ئەو لایەنە کە وەرپرسە لە کوشیان رانندەگە.
تا ئامادەکردن ئی خەوەرە، سروشت رۊداوەگە ئاشکرا نەۊە یا ئەگەر وە مدوو تەقەکردن یا دەسدریژییگ تاوانکاری بۊە، لە وەختیگ لایەنە تایبەتمەنەیل وەردەوامن لە گردەوکردن زانیاری و بەڵگەیل ئەرا رەسین وە چۊنیەتییەیل رۊداوەگە.