شەفەق نيوز/ سەرچەوەیگ پزشکی لە فەرمانگەی تەندروسی کەرکوک، ئمڕوو شەممە، خەوەردا کە پارێزگاگە دوو مردن دڵتەزم لە ماوەی ساعەتەیل گوزەشتە، وە دوو رویداو جیاجیا توومار کرد.

سەرچەوەگە ئەرا ئاژانس شەفەق نیوز وت: دویەتە خوەنەواریگ زانکۆ وەناو (نور سەرمەد كازم)، دویای ئەنجامدان تاقیکردن تویش رویداویگ هاتوچو هات لەبان ری کەرکوک - هەولێر، لە ناحیەی ئاڵتوون کوپری، کە ئەرا خەسەخانە بریا و هەرچەن تەقەلای پزشکی ئەرای دریا، وەلێ گیانی لەدەسدا. 

سەرچەوەگە وتیش: ئی رویداوەگە لە ناحیەی عەباسی سەروە قەزای حەویجە بوی، کە گەنجیگ مەوقەی پاکەوکردن سەردەوکەر، تویش تەزیان کارەبا هات و گیانی لەدەسدا، و ئەرا پزشک دادوەری کەرکوک بریا.