شەفەق نيوز/ پارێزگای کەرکوک، ئمڕوو یەکشەممە، رویداویگ نائاسایی وەخوەی، کە رەسیە بەسانن مزگەفت دۆمیز گەورە لەڕوی نمازکەرەیل، لەوەر ناکۆکییگ ئیداری ناوەین دوو ئیمام، کە نماز نیمەڕو لەناو ئەو مزگەفتە نەخوەنیا، و دەیان لە نمازکەرەیل لەناو جادە مەنن.
محمد بەیاتی یەکیگ لە وەچەودیەیل لە ناوچەگە ئەرا ئاژانس شەفەق نیوز وت: ئەو کەسەیلە ئەرا نماز چگن، کەفتنە ناکاوی بەسیان دەرەیل مزگەفتەگە وەرجە مەوقەی نماز.
وتیش: دەمەقاڵ ناوەین دوو ئیمام مەردم دەسپاچە کرد، لەناو نەوین هویچ لایەنیگ فەرمی ئەرا چارەکردن ئەو گیچەڵە لەوەخت خوەی.
سالم مەجید وەلی وەڕیەوبەر وەقف سوننی لە کەرکوک لەبان ئەو رویداوە ئەرا ئاژانس شەفەق نیوز وت: باوەتەگە ئەوەسە کە ئیمام و وەرین خانەنشین بوی، و ئەو مزگەفتە کردویدە شوین داکاسیانی، و ئیدارەی وەقف سوننی ئیمامیگ لەجیای کلکرد، تا کارەیل ئاینیی لەناو مزگەفتەگە وەجی بارێد.
وتیش: ئەو ئیمامە رازی نەوی مزگەفتەگە و ماڵەگەی بیەێدە ئەو کەسە کە لەلایەن وەقف ئەرکدار کریاس، هەرچەن بڕیار خانەنشینکردنی دەرچگ، وتیش: وەقف سوننی ریکارەیل یاسایی وەرانوەری جیوەجی کرد، و پەیماننامەی فەرمی لەلی بریا تا مزگەفتەگە و ماڵەگە بیەێدە دەس.
وەڕیەوبەر وەقف سوننی ئەڵاجەویی هات کە ئیمام وەرین مزگەفتەگە بەسا و نمازکەرەیل لە خاوەنین نمازیان بیبەش کرد، دووپات کرد کە ئی رەفتارە دەسپیچگ نەیرێد، و وەگەرد پایەی مزگەفت جویر ماڵ پەرسین نەپووڕیاس.