شەفەق نیوز- کەرکوک
فەرمانگەی تەندروستی کەرکوک، ئمڕوو چوارشەممە، لەناوبردن نزیکەی 10 تەن لە هەردوگ ماددەی شەعریە و سباگێتی راگەیان، لە دویای ئەوەی نەپوڕیاگییان ئەرا وەکارهاوردن مرۆیی چەسپیا، لە چوارچمگ هەڵمەتە چەودێرییەیلی ئەرا بان ماددە خواردەمەنییەیل ناو بازاڕەیل.
وەڕێوەبەر گشتی فەرمانگەگە، ئارجان محەمەد رەشید، ئەرا ئاژانس شەفەق نیوز وت، تیمەیل چەودێری تەندروسی رێکارەیل لەناوبردن ئەو بڕە باسکریاگە لە دویای دڵنیابوین لە نەپوڕیاگییان ئەرا وەکارهاوردن مرۆیی جیوەجی کردن، و دیاری کرد ئی رێکارەیلە لە چوارچمگ هەڵمەتە وەردەوامەیل ئەرا پاراستن تەندروستی گشتی و سەلامەتی هاووڵاتییەیل تیەن.
رەشید وتیش، تیمە تەندروستییەیل وەردەوامن لە پرۆسەیل وشکنین و وەدویاچگن ئەرا ماددە خواردەمەنییەیل نمایشکریاگ و ناو بازاڕ و دوکانە بازرگانییەیل، ئەرا دڵنیابوین لە پوڕیاگییان وەگەرد مەرج و خاسییەتە تەندروستییە پەسەنکریاگەیل.
دیاریکرد ئەرا وەرگردن رێکارە یاساییە هەوەجەیل وەرانوەر ماددە سەرپێچیکارەیل، و دووپات کرد لە وەردەوامی هەڵمەتەیل چەودێری تەندروسی ئەرا نواگیریکردن لە مامەڵەکردن وە خواردەمەنییەیل نەپوڕیاگ ئەرا وەکارهاوردن، ئەرا پاراستن سەلامەتی هاووڵاتییەیل و تەندروسی گشتی.