شەفەق نیوز- سەڵاحەدین
سەرچەوەیگ ئەمنی، ئمڕوو سێشەممە، خەوەردا لە کوشیان سێ کارمەن لە حەشد شەعبی، لە خەڵک پارێزگای موسەننا، لە ئەنجام رۊداویگ تەقەکردن لەناو یەکیگ لە بارەگایەیل حەشد لە پارێزگای سەڵاحەدین.
سەرچەوەگە ئەرا ئاژانس شەفەق نیوز وت، کە "ئەو سێ کوشیاگە تۊش تەقەکردن هاتن لەلایەن یەکیگ لە هاوڕیەیەیلیانەو لە وەخت جیوەجیکردن ئەرک لەناو بارەگایگ سەر وە حەشد".
وتیش کە تا ئیسە ئەو مدووویلە دیار نین کە هانە پشت رۊداوەگە، و دیاری کرد کە "هیزەیل ئەمنی دەورگرد شوین رۊداوەگە گردن و تەقەکەرەگە دەسگیر کردن، و دەس کردنە لێکۆڵینەوە ئەرا ئاشکراکردن هۊردەکاریەیل رۊداوەگە".
سەرچەوەگە دیاری کرد کە "ماشینەیل فریاکەفتن پەلە کردن ئەرا شوین رۊداوەگە و تەرم قوربانیەیل بردن ئەرا فەرمانگەی پزیشک دادوەری لە سەڵاحەدین، جویر ئامادەکارییگ ئەرا داینی وە دەس کەسوکاریان دۊای تەواوکردن رێکارە بنەڕەتییەیل".