شەفەق نیوز/ شانەی قەیرانەگە لە پارێزگای دیالە، ئمڕوو سێشەممە، ئاشکرای هۆکارەیل بەرزەوبوین تویشهاتنەگە وە ڤایڕۆس کۆڕۆنا کرد.
یاسر بەدر قسەکەر وەناو شانەگە ئەرا ئاژانس شەفەق نیوز وت؛ زاقترین هۆکارەگان لە بەرزەوبوین تویشهاتنەگان، خوەی وڵاوەکردن وەشکین پەتاگەس لە بڕیگ ناوچە، ک ئاشکرای تویشهاتگه‌یل نوویگ کرد، وەگەرد کردنەوەی قەیەغە گشتیەگە، وهاتن خەڵک بەغداد وەرەو پارێزگاگە، لە ری ناحیەی بەنی سەعەد ک نزیکترینە.
وتیش لە یەکەم تۆمارەو، ڤایڕۆسەگە لە پارێزگاگە هەسەی ، وتەنیا چارەسەر ئەرا نواگردن پەتاگە خوەی پابەندبوینە وە قەیەغەگە. هەژمار تویشهاتگەیل وە ڤایڕۆسەگە لە دیالە، رەسیە ٧٩ تویشهاتگ، ٤٥ لەلی خاسەوبوی، و ٧ مردگ تۆمار کریا، و٢٧ تویشهاتگ هانە ژیر چارەسەری.