شەفەق نیوز/ سەرچەوەیگ لە پولیس ئاوی لە پارێزگای سەڵاحەدین، ئمڕوو چوارشەممە، خەوەردا لە توومارکردن دوو خنکیان ئەرا کوڕیگ و مناڵیگ مەوقەی مەلوانیکردن لە چەم دیجلە باکوور قەزای بێجی.
سەرچەوەگە ئەرا ئاژانس شەفەق نیوز وت: پولیس ئاوی خنکیان مناڵیگ لە تەمەن هەفت ساڵان توومار کرد مەوقەی تەقەلای مەلوانیکردن لە چەم دیجلە لە ئاوای مسەحەگ باکوور قەزای بێجی، کە وەبی سڵای کەسوکارەیلی چگەسە مەلوانیکردن، و دیاری کرد کە تیمەیل رزگارکردن توەنستنە تەرمەگەی درارن و ئەرا پزشک دادوەری کلی بکەن.
سەرچەوەگە وتیش: خنکیانیگ ترەک ئەرا کوڕیگ لە تەمەن ١٣ ساڵان خەڵک ناحیەی زویە توومار کریا، کە لە چەمیگ لە ئاوای مسەحەگ باکوور بێجی خنکیاس، و تا ئیسە نەتوەنستن تەرمەگەی پەیا بکەن، کە هیمان تیمەیل رزگارکردن مینەی کەن.