شەفەق نیوز سەرچەوەیگ لە بەغداد پایتەخت، ئمڕوو پەنجشەممە، خەوەردا لە کوشیان دوو کەس و زەخمداری کەسیگتر لە ئەنجام کەفتن ماشینیگ لەبان پیەڵ زویوەزی شوعلە باکوور بەغداد.
سەرچەوەگە ئەرا ئاژانس شەفەق نیوز وت: رویداو پلیان و کەفتن ماشینیگ لەبان پیەڵ شوعلە لە ناوچەی رواد بویە هوکار کوشیان دوو کەس و زەخمداری کەسیگتر.
وتیش؛ تیمەیل وەرگری شارستانی و ماشینەیل فریاکەفتن رەسینە شوین رویداوەگە و تەرم قوربانیەیل و زەخمدارەیل هەڵگردن.