شەفەق نیوز ـ کوت

دادگای تاوانەیل واست، ئمڕوو چوارشەممە، سزای دوو ساڵ زیندانیکردن ئەرا ئەندامیگ پۆلیس دەرکرد لەدویای شەرمەزارکردنی وە چزداین کاندیدیگ ژن  هەڵوژاردن پەرلەمان عراق  کە بڕیارە مانگ تەشرین دویەم ئایندە وەڕیوەبچوود.

سەرچەوەیگ لە دادگا وە ئاژانس شەفەق نیوز وت، زیندانیەگە داوای یەک ملیار دینار کردیە لە وەرانوەر بڵاونەکردن وینە و ڤیۆدیەیل تایوەت وە کاندیدەگەی شار کوت ناوەن پارێزگای واست.

دیاریکرد، کۆمەڵگەی عراقی لەی ماوەی کۆتاییە حالەتەیل چزداین لەری تووڕەیل کۆمەڵایەت و ئەپلیکەیشنەیل پەیوەنیکردن ئەلیکترۆنی ها لە زیایبوین وە تایبەت لەناو ژنەیل، لەمان کات دەسڵاتدارەیل ئەمنی ماوی جاریگ  چەتەیل و چزدەرەیل دەسگیرکەن.